ရုရှားဟော်ကီအသင်း Izhstal Izhevsk အသင်းရဲ့ netminder (ဂိုးသမား) ဆဗီလီကိုနိုနော့ဗ်ဟာ ပွဲစဉ်တပွဲမှာ အသင်းဖော်တွေကရွေးချယ်တဲ့ အကောင်းဆုံးကစားသမားဆုကိုရခဲ့အပြီး မထင်မှတ်တဲ့ ဆုလက်ဆောင်ကို လက်ခံရရှိခဲ့ပါတယ်။ အဲ့ဒါကတော့ AK-47 သေနတ်အစစ်တလက်ပါပဲ။

Izhevsk အသင်းက Chelmet အသင်းကို (၃-၂)ဂိုးနဲ့အနိုင်ရခဲ့တဲ့ပွဲစဉ်မှာ ကိုနိုနော့ဗ်ဟာ လက်စွမ်းပြခဲ့ပြီးနောက် အသင်းဖော်တွေက သူ့ကို ပွဲရဲ့အကောင်းဆုံးကစားသမားအဖြစ် ရွေးချယ်ခဲ့ကြပါတယ်။ ကိုနိုနော့ဗ်ဟာ အဲဒီပွဲမှာ ဂိုးပေါက်ကာကွယ်မှု (၃၆)ကြိမ်ပြုလုပ်နိုင်ခဲ့ပြီး အသင်းရဲ့နိုင်ပွဲမှာ အရေးကြီးတဲ့နေရာက စွမ်းဆောင်ပေးခဲ့တာပါ။

အကောင်းဆုံးဆုကိုပေးဖို့အတွက် ကလပ်အသင်းတာဝန်ရှိသူတွေက သေနတ်ကိုင်ပြီး အဝတ်လဲခန်းထဲကိုဝင်လာပုံက အက်ရှင်ဇာတ်ကားတခုထဲက ဇာတ်ဝင်ခန်းလိုပါပဲ။ အဲဒီနောက် သေနတ်ကို အသင်းခေါင်းဆောင်ဆီလွှဲပေးခဲ့ပြီး အသင်းခေါင်းဆောင်ကနေမှာ ကိုနိုနော့ဗ်ကို ချီးမြှင့်ပေးခဲ့တာဖြစ်ပါတယ်။

 

Ko Puccy
Source: DailyMail

READ  MMA ပြိုင်ပွဲတွေအတွက် အဆင်သင့်ဖြစ်ပြီလို့ ကြေညာလိုက်တဲ့ လူ့ဘီလူးကြီးမာတင်ဖို့ဒ်